CAGAYAN DE ORO CITY – Nag-resulta ang halos 200 ka operasyon sa Police Regional Office 10 sa pagka-kompiskar sa dul-an 6 milyones pesos nga kantidad sa gitoohang shabu gikan sa 242 ka suspected drug pushers sa rehiyon.
Kini maoy gitaho ni PRO 10 regional director Brig Gen Lawrence Coop kabahin sa ilang nakab-ot nga kalampusan sa anti-illegal drugs campaign sa Northern Mindanao sulod lang sa Enero ning tuiga.
Giila ni Coop ang dakong paningkamot sa ilang lower units sa pagsanong sa gubat kontra ilegal nga droga palibot sa rehiyon.
Gawas sa ilegal nga droga,nabawi usab sa mga otoridada ang daghang mga armas nga hupas na ang mga lisensiya nunot sa ilang 71 ka operasyon sulod sa maong bulan.
Nakasuhan na ang tanang mga personalidad nga nadakpan sa maong operasyon.
