CAGAYAN DE ORO CITY – Gitoohan ni Police Regional Office 10 regional director Police Brig Gen Lawrence Coop nga may kalabutan sa trabaho ug negosyo kon nganong gipusil sa motorcyle in tandem suspects ang ilang uas ka pulis sa Purok 3,Brgy Bagong-Taas,Valencia City.Bukidnon.
Kini human nahiagom sa mga igo pinusilan sa wala matino nga kalibre sa armas samtang anaa sa iyang meatshop ang biktima nga si Police Corporal Meñope Urong,intelligence officer sa Valencia City Police Station ug kasamtangang gihatagan sa medikasyon.
Miingon si PRO 10 spokesperson Police Maj Joann Navarro nga wala pa sila’y nakitang motibo sa kremin apan nagtoo sila nga wala kini molayo sa trabaho ug negosyo ni Urong.
Nunot niini,gipasidan-an ni Coop ang tanang pulis nga dili magkumpiyansa sa ilang mga paggawas-gawas bisan kon naka- off duty na aron kalikayan ang peligro sa ilang kinabuhi.
