CAGAYAN DE ORO CITY – Napatay sa hiniusang operasyon sa kapolisan ang sakop sa gitoohang teroristang Dawla Islamiyah apan samaron usab ang tulo ka pulis atol sa pagsilbi sa warrant of arrest sa Brgy Nataron,Marantao,Lanao del Sur.
Giila ni PNP-BARRM regional director Brig Gen John Guyguyon ang akusado nga si Abbas Dimnang Rampa alyas Datu Soma kinsa wanted sa kasong murder ug paghupot sa mga ilegal nga armas.
Nakigpinusilay si Rampa gamit ang M-16 rifle hinungdang samaron sila si Police Maj Mario Egera kinsa chief of police sa Marantao PNP;Police Corporal Al-Sadat Jahari ug Corporal Mujahid Taurac.
Pulos gidala sa Amai Pakpak Medical Center ang upat ka samaron apan dead on arrival si Abbas.
Naaresto usab ang kauban ni Abbas nga sila Ansaruna Mulingan Magi ug Johari Taban Barani.
