CAGAYAN DE ORO CITY – Gipangita sa militar ug kapolisan ang mga tawo nga responsable sa pagpalusot sa sobra 2 milyones pesos nga balor sa inismagol nga sigarilyo nga gipalusot sa Sitio Ayunan,Brgy Tambara,Malabang,Lanao del Sur.
Miingon si AFP Western Mindanao Command commander Lt Gen Roy Galido nga pagtubag kini sa joint task force nga gilangkuban sa mga sundalong Marino ug PNP-BARMM sa usa ka intelligence report nga dunay kontrabando ang gipadunggo sa lugar.
Gilayong gikasa ang operasyon rason nga nabawi ang 188 ka kahon nga puno sa smuggled cigarettes apan wala maabti ang gitumbok nga mga personalidad nga posibleng dunay kalabutan sa ilegal nga kalihukan.
