CAGAYAN DE ORO CITY – Gitahasan ni PNP chief Gen Rodolfo Azurin Jr si Police Regional Office 10 regional director Brig Gen Lawrence Coop nga siguruhon nga kanunay nga masusi ang stress level sa iyang mga pulis palibot sa rehiyon.
Kini sa tuyo nga kalikayan nga dunay pulis nga kalit maglasong ug mamusil ngadto sa ilang mga kauban sulod sa mga opisina o police headquarters.
Gihimo ni Azurin ang pasidaan aron dili mahitabo sulod sa PNP camps o offices ang nahitabong paglasong sa usa ka sundalo ug namusil-patay sa iyang upat ka kauban sulod sa 4th ID headquarters sa miaging Sabado sa kadlawon.
Hisayrang nagkatinabangay ang PNP ug AFP pinaagi sa pagtukod sa board of inquiry o BOI sa hitabo diin milugwa nga dili impluwensiyado sa ilegal ng droga ug bino ang maong sundalo nga kalit namusil sa iyang mga kaubang tulog niadtong tungura.
