CAGAYAN DE ORO CITY – Nadakpan sa Regional Special Operations Unit 10 pinasikad sa warrant of arrest ang top 3 most wanted person sa regional level kinsa adunay pending kasong kriminal sa korte.
Giila ni Police Regional Office 10 regional director Brig Gen Lawrence Coop ang dinakpan nga si Dante Morales,34 anyos,ulitawo nga residente sa Damulog,Bukidnon.
Si Morales maoy kauban sa suspected druglord nga pabiling at large nga si Jericho Odchigue kinsa misulay pagluwas sa ilang mga kauban nga unang nadakpan sa COCPO operatives nga si Laurente Guardaquivil sa westbound terminal sa Brgy Bulua sa syudad sa miaging Enero ning tuiga.
Una nang nakuhaan ang grupo ni Guardaquivil sa dul-an usa ka milyon ka pesos nga balor sa gitoohang shabu,armas ug ubang mga ebedensiya.
