CAGAYAN DE ORO CITY – Gusto sa pamilyang Alonto ug Adiong nga mapadali sa mga otoridad ang pagsulbad sa labing unang armadong pagpangatake sa ilang mga kaliwatan sulod mismo sa kontroladong lugar sa provincial govt sa Lanao del Sur.
Kini ang hagit ni Lanao del Sur 1st District Cong. Zia Alonto Adiong nunot sa pagka-ambush sa iyang igsoon nga si incumbent Provincial Gov. Mamintal ‘Bombit’ Adiong Jr.
Partikular usab gitumbok sa kongresista nga ipadali’g sulbad sa PNP ang kamatayon sa security escorts sa gobernador nga giapilan sa ilang mga paryente nga mga pulis.
Samtang giawhag na sa kadagkuan sa Bangsamoro Autonomous Region in Muslim Mindanao o BARMM ang mga pamilya sa dili mo-minus 10 ka suspek pag-ambush kang Adiong Jr nga e-surender na kini sa mga otoridad sa labing dali nga panahon.
Gibutyag ni BARMM Interior Minister Naguib Sinarimbo nga natumbok na nila ang mga mibanhig sa convoy ni Adiong rason nga angayang dili na kini itago sa mga kabanay sa mga suspek.
Siya miingon nga gi-agi pa gihapon nila sa normal nga proseso rason nga gitugod ang Special Investigation Task Group alang sa pagsulbad sa kremin.
Hisayrang nadala sa pribadong ospital ning syudad si Adiong ug iyang staff apan patay usab ang tulo niya ka police escorts ingon man ang sibilyan nga driver sa usa sa car convoys sa miaging Biyernes sa hapon.
