CAGAYAN DE ORO CITY – Gipangita karon sa kapolisan ang tulo ka suspek pagpamusil nga nag-resulta sa kamatayon sa empleyado sa dakong kompanya nga igo lang nag-sideline isip habal-habal driver sa Sitio Manggahan,Brgy Balulang ning syudad kagabii.
Giila ni Carmen Police Station commander Police Maj. Mario Mantala Jr ang biktima nga si Emmanuel Agbon kinsa trabahante sa kompanyang Nestle Philippines nga nakabase sa Brgy Tablon ning syudad.
Subay sa inisyal nga report nga maoy target pusilon sa motor riding in trio suspects ang pasahero sa biktima nga si Joey Cuytihay nga taga-Singapore,Brgy Balulang sa dihang wala maigo sa ilang pagpusil.
Naigo sa kalibre 9mm si Agbon hinungdan sa hinanali niini nga kamatayon.Na-ospital usab si Cuytihay human bukbuka sa armas ang baba nga bahin niini.
Sa pagkutlo ning balita,wala pa’y giya ang kapolisan sa motibo ug kinsa ang mga suspek sa kremin.
