CAGAYAN DE ORO CITY – Patay ug giimbestigaran sa kapolisan ang usa ka manager nga unang nakit-ang nagbuy-od duol sa iyang gimaneho nga sakyanan sa Purok 14,Sitio Gabunan,Brgy Casisang,Malaybalay City,Bukidnon.
Giila ni Bukidnon PNP spokesperson Police Maj. Jiselle Longgakit ang biktima nga si Roger Balista,46 anyos,taga-Tagum City,Davao del Norte ug manager sa Dole North Skyland Bukidnon Provincial Cluster sa maong lugar.
Nasuta nga nagbaton sa pinusilan sa armas ang biktima nga gitoohang hinungdan sa kamatayon niini.
Dili pa masuta kon gitulis o lahi ang motibo sa pagpatay sa biktima.
