CAGAYAN DE ORO CITY – Mag-atubang sa kasong pagsupak sa Republic Act 9165 o Dangerous Drugs Act of 2002 ang duha ka suspected drug pushers nga hiniusang nadakpan sa kapolisan ug militar sa Hayfah Compound, Barangay Gadongan, Marawi City.
Giila ni PNP-BARMM Director Brig Gen Allan Nobleza ang mga dinakpan nga sila si Rahib Solaiman Cayugan alias Mosep nga taga-Making, Parang, Maguindanao del Norte ug Norain Anto Gunda nga nagpuyo usab sa lungsod sa Buntig,Lanao Sur.
Miingon si Nobleza nga nabawi gikan sa mga dinakpan ang halos 7 milyones pesos nga gitoohang shabu atol sa maong operasyon.
Samtang gipangita pa usab sa mga otoridad ang dugang duha ka kauban niini nga sila Aripoden Kiram Ander ug Rania Musor Maca-angcos nga nagpuyo usab sa Lanao del Norte.
Nagtoo si Nobleza nga wala lang nag-pokus ang operasyon mga suspek sa Lanao del Sur apan bisan dinhi sa dakbayan.
