CAGAYAN DE ORO CITY – Gilawman pa sa mga imbestigador ang kamatayon sa cargo truck driver kuyog ang duha ka pahenante niini kinsa gipangpusil sa gikalalis sa dalan sa Brgy Anakan,Gingoog City,Misamis Oriental.
Miingon si Misamis Oriental PNP spokesperson Police Lt. Theafratus Pia nga unang giila ang mga biktima nga sila Anghel Mama Paglas,Mohamedin Allen Abdulrasak ug Omar Adjid nga nagpuyo sa managlahing lungsod sa probinsya sa Maguindanao.
Subay sa imbestigasyon nga daan nang nagkabikil ang mga biktima ug wala mailang mga suspek hinungdang mi-resulta sa pagpamusil pag-abot sa Gingoog City gikan sa dakbayan sa Butuan.
Hisayrang laraw unta sa mga biktima nga ma-deliver ang mga segunda mano nga mga mga motorsiklo dinhi syudad sa miaging kadlawon.
