CAGAYAN DE ORO CITY – Gikonsidera na sa Cagayan de Oro City Police Office o COCPO nga hingpit nang sulbad ang kasong pagpusil-patay sa magsisibya nga Federico ‘Deng’ Gempesaw nga natigayon mismo sa tugkaran sa balay niini sa Zone 5,Phase 1,Macanhan,Brgy Carmen sa syudad.
Kini human nadakpan na kapolisan subay sa mando ni RTC Branch 39 Presiding Judge Marites Bernales ang usa sa mga suspek nga si Peter Quimada,35 anyos sa V. Castro Street sa Brgy Carmen sa dakbayan ning semanaha.
Gibutyag ni COCPO spokesperson Police Lt Col. Evan Viñas nga tungod sa pagkasikop sa akusado,gilayong mosugod na usab ang pagligid sa kasong murder nga gipasaka sa pamilya ni Gempesaw sa korte batok kaniya.
Dumduman nga naigo ang ulo ug dagway sa biktima gamit ang kalibre 45 nga armas dihang gipusil sa motorcycle in tandem suspects niadtong Hunyo 29,2022.
Hisayrang mitanyag pa si Misamis Oriental District 2 Representative Bambi Emano sa reward money ngadto sa mga tawo nga makatudlo ug makatabang pagsulbad sa gidangatan ni Gempesaw.
