CAGAYAN DE ORO CITY – Nagpatabang si incoming Bugo Punong Brgy Spencer Cailing kang Cagayan de Oro District 2 Congressman Rufus Rodriguez kalabot sa dugu-ong aksidente sa unom ka tinun-an sa elementarya nga sakay sa motorized sikad sa Purok 3,Bantiles.
Kini human nag-resulta sa kamatayon sa 10 anyos nga biktima nga si Princess Joy Nepaña nga nagrabehan sa pagka-tumba sa sikad nga gimaneho usab ni Ronald Danday nga pulos molopyo sa maong lugar kagahapon sa buntag.
Namahayag ang opisyal nga pasiuna lamang kini nga tabang samtang aktibo nga nagserbisyo usab sa katawhan si outgoing Bugo Punong Brgy Vic Talingting sa ilang brgy hall.
Nakagawas na ang lima ka kauban ni Princess kay dili ra grabe ang naangkon nila nga mga samad gikan sa maong disgrasya.
Samtang andam atubangon sa motorized sikad driver nga si Ronald Danday kon pananglitan dili mosugot sa panagsabot ang pamilya sa mga biktima sa disgrasya.
Partikular nga gitumbok ni Danday ang gidangatan nga kamatayon 10 anyos nga batanga babaye nga namatay tungod sa disgrasya sa Bantiles,Brgy Bugo ning syudad.
Kini human gilayong gipaubos sa kustodiya sa kapolisan ang suspek samtang gihimo ang dugang imbestigasyon sa hitabo.
Namugos ang suspek nga kalit nawad-an sa kontrol ang motorized sikad hinungdan sa aksidente.Nangayo na lang sa pasaylo si Danday kay alang kaniya dili tinuyo ang hitabo.
