CAGAYAN DE ORO CITY – Nagpahigayon ang kapolisan sa back tracking investigation sa nahitabong pagpamusil sa magtiayong pulos trabahante sa gobierno sa Brgy Maluko,Manolo Fortich,Bukidnon.
Giila ni Police Maj Harvey Sanchez sa Manolo Fortich Municipal Police Station ang mga biktima nga sila Hyacinth Ali, empleyadodo sa DoH 10 nga nakaangkon ug 3 ka samad pinsuilan.
Samtang ang iyang bana mao nga si Alberto Ali nga nagtrabaho isip magtutudlo sa Bukidnon State University ang o BUKSU ang walay igo sa mga bala apan samaron sa mga buak nga bildo sa sakyanan.
Gibutyag ni Sanchez nga ang magtiayon nag-byahe gamit ang sakyanang Vios gikan Valencia City,Bukidnon padulong sa syudad apan kalit dunay nagsunod nga mga suspek nga sakay sa duha ka motorsiklo ug namusil kini gamit calibre 45 nga armas.
Hinoon, adunay concern citizens ug gidala na ang mga biktima sa balay-tambalanan.
Sa pagkakaron luwas na ang mga biktima apan blangko pa kini kon unsay motibo sa mga suspek.
