CAGAYAN DE ORO CITY, Philippines – Nanawagan sa kalinaw ang presidente sa Nigeria human sa walay hunong nga lihok protesta sa ilang mga sibilyan sulod na sa usa ka semana.
Sa gilusad nga president’s address, namahayag si Nigeria’s President Bola Tinubu nga suspensohon una ang tanan klase sa lihok protesta ug gamiton ang gahum sa gobyerno aron ipakalma ang ilang mga molopyo.
Nanghinaut ang presidente nga mutuman ang mga raliyesta tungod kay apektado na ang ilang economic activity sa ilang nasud ug daghan ang nawad-an sa panginabuhian.
Una niini, nagkalisud ang mga otoridad sa pagbadlong sa mga looters o mga raliyesta nga mi-atake sa mga patigayon tungod sa ilang yango-ngo batok sa nagsaka nga presyo sa palaliton, tumang kalisud, ug pabor pabor nga pagdawat sa pagpangitag trabaho.
Gibutyag sa United Nations nga misaka pa sa siyam ka tawo ang patay ug kapin dosena ang samaran sa usa ka semana nga kaguliyang sa Nigeria.
