CAGAYAN DE ORO CITY – Dili tinood ang pasangil kampo ni kanhi City Mayor Oscar Moreno nga nagpasagad lang si incumbent City Mayor Rolando ‘Klarex’ Uy sa mga dagkong proyekto nga wala matiwas sa miaging administrasyon sa dakbayan.
Kini human unang gi-akusahan ni Moreno si Klarex nga naghinobra ang politika hinungdang wala magamit sa katibuk-an Lumbia City Hospital,Tablon City Hospital, pagtiwas sa city library ug pipila ka publikong mga tunghaan.
Miingon si City Engr Joel Momongan nga gitrabaho sa kasamtangang administrasyon ang kakulangon sa maong mga imprastraktura gamit ang pondo sa city govt.
Hisayrang ang katukuran sa pipila ka dagkong imprastratura ang epekto sa pagpangutang sa dakbayan sa un-bilyones pesos bangko sa kanhi administrasyon.
