CAGAYAN DE ORO CITY – Gikuwestiyon sa kampo sa mag-amahang City Mayor Rolando ‘Klarex’ Uy ug Carmen Punong Brgy Kikang Uy ang gihimong pagpatawag kanila sa kamarabaha ning adlawa.
Kini aron mohimo’g katin-awan sa pagkuwestiyon kon nganong halos dili katoohan ang pagsaka sa ihap sa mga bag-ong botante sa Brgy Carmen ning syudad sa miaging tuig.
Miingon si Atty Al Genoso,abogado sa pamilyang Uy nga nabasura na sa Comelec ang pinaka-isyu sa maong hisgutanan apan padayong gibuhi sa kampo ni Cagayan de Oro 1st District Cong. Lordan Suan.
Hinoon,nakaandam sila sa ilang tubag kabahin sa maong pag-atubang nila sa House committee on suffrage and electoral reforms sa kauluhan ning adlawa.
