CAGAYAN DE ORO CITY, Philippines – Subling nakasinati sa krisis sa pag-ubo ug kahiladman sa ginhawa si Santo Papa Francisco, ning adlawa.
Ang Vatican namahayag nga si Pope Francis nakasinati sa duha ka higayon nga acute respiratory failure ug subli gibutangan sa oxygen mask aron siya makaginhawa’g tarong.
Ang mga doktor sa Gemelli Hospital miingon nga ilang gikinahanglan kuhaon ang plema sa baga sa 88-anyos nga Santo Papa aron dili kini mahimong babag sa iyang agi-anan sa hangin.
Ang daghang endobronchial mucus maoy nakapagamay sa iyang agi-anan sa hangin ug hinungdan sa iyang pag-ubo-ubo.
Kagahapon, gitangtang na siya sa mechanical ventilator, apan karon gilaraw sa mga doktor nga subli kining ibalik aron masiguro nga makaginhawa siya’g sakto
