CAGAYAN DE ORO CITY – Adunay ‘misrepresentation of facts’ sa gipasar nga resolusyon sa konseho aron tulisukon ang lakang sa Local Water Utilities Administration o LWUA nga paglugway sa presensiya sa Cagayan de Oro Water District o COWD interim mngt ning syudad.
Miingon si Kag. Ian Achas nga sayod ang tanan nga mando ni Pres Bongbong Marcos ang pag-aksyon sa LWUA aron mohimo’g full intervention sa water system crisis sa dakbayan.
Siya miingon nga dili usab matago nga limitado ang mga lihok sa set aside board of directors kay anaa pa ang presensya sa grupo sa LWUA pinaagi ug COWD interim General Manager nga gitahasan pagsulbad sa mga suliran sa panubig sa dakbayan.
Hisayrang tuig 2024 pa nagsugod pagkabahin-bahin ang baruganan sa mga konsehal tungod sa isyu sa water management dispute sa COWD.
