CAGAYAN DE ORO CITY – Napukaw pagbalik ang isyu sa gikibhangan sa mga magbabalaod nga budget alang sa AFP modernization sa kamatayon sa duha ka piloto nga sakay sa nahagsa nga FA-50 fighter jet sa Kalatungan,Brgy Mirayon,Talakag,Bukidnon.
Kini human nadumduman ni Sen Imee Marcos ang paggahi’g pondo ni Pres Bongbong Marcos sa AFP balor 75 billion pesos apan gitapyasan sa bicameral conference committee sa 50 bilyones ning tuiga.
Miingon sa senador nga angayang kabahin sa prayoridad ang puwersa sa estado nga mahatagan sa ensaktong pondo ug dili ipangbutang sa pipila ka programa nga naghinobra ang pagpamolitika.
Hisayrang namatay sila Air Force pilots Major Jude Salang-oy ug 1 Lt AJ Dadulla kay nahagsa ang gimaneho nila nga eroplano samtang mihatag sa aerial support sa mga sundalo nga nakig-engkuwentro sa CPP-NPA rebels sa Cabanglasan,Bukidnon sa miaging semana.
