CAGAYAN DE ORO CITY, Philippines – Hugtanong girekomendar ni Senador Sherwin Gatchalian, ang committee chairman sa ways and means sa senado, ang hugot nga koordinasyon sa Bureau of Immigration kalabot sa ipatumang deportation sa tanang mga langyaw nga adunay kasupakan sa balaod sa Pilipinas.
Reaksiyon kini ni Gatchalian human mihungaw ang report nga adunay tolo ka POGO Chinese Convicts ang ilang napagawas sa nasud nga wala mipahibalo sa mga hingtundan.
Namugos si Gatchalian nga posibleng adunay pakigkunsabo nga nahitabo tali sa mga BI Officers kung nganong basta-basta nalang nakagawas sa prisohan ang nakombiktar sa multi-billion pesos nga kaso sa moneylaundering.
Una niini, mismo ang miyembro ni Gatchalian sa komitee nga si Senador Risa Hontiveros ang mihatag ultimaton sa kadagkuan sa BI sa pagpasa sa ilang written explanation, kung nganong wala na sa prisohan si POGO Queen Guo Hua Ping alyas Alice Guo, kuyog ang iyang igsoon nga lalaki ug babaye nga sila Wesley ug Shiela.
