CAGAYAN DE ORO CITY – Nadakpan ang duha ka drug suspects sa buy-bust operation sa Ditsa-an Ramain, Lanao del Sur.
Sumala ni Lanao del Sur Police Provincial Office Director Robert Daculan nga usa kini ka malampusong joint law enforcements nga gipangunahan sa ilang special units ug Ditsaan-Ramain Municipal Police Station nga nagresulta sa pagkasikop sa mga dinakpan.
Nakuha gikan sa mga dinakpan ang 12 gramos nga gitoohang shabu nga nagkantidad sa kapin 81-mil pesos, usa ka Samsung Android nga cellphone, usa ka TIN ID, usa ka tinuod nga 5-ka gatus pesos nga kwarta, siyam ka piki nga 5-ka gatus pesos nga kwarta, violet nga gamit sa paghigop sa droga,posporo nga walay siga ug brown nga pitaka.
Ang mga ebidensya gisusi ug gilista sa atubangan sa mga nadakpan nga gitambongan usab sa usa ka representante sa DOJ ug usa ka opisyal sa barangay.
Dugang niini, ang mga nadakpan mo atubang sa kaso sa paglapas sa Republic Act 9165 o Comprehensive Dangerous Drugs Act of 2002 ug anaa na sa PHQ, LDSPPO alang sa dokumentasyon ug pag-andam sa saktong reklamo batok kanila.(Bombo James Oliver).
