Personal mihangyo ang anak-babaye ni kanhi Pres Rodrigo Duterte nga si Veronica ‘Kitty’ Duterte pinaagi sa iyang Instagram account sa katawhang nag-suporta sa ilang amahan nga moduyog sa ilusad nga hiniusang pag-ampo unyang gabii.
Kini Dungan usab sa pag-atubang ni Duterte sa pre-trial chamber sa International Criminal Court o ICC sa The Hague,Netherlands unya alas 2:00 sa hapon apan pasado 9:00 na gabii sa Pilipinas.
Apelar sa batan-ong Duterte nga angay maghiusa ang katawhan dili isip political supporters apan sa pagkadugong-Pilipinhon aron mobarog alang sa hustisya ug soberenya sa nasud.
Hangyo pa ni Kitty nga mohimo usab sa pag-ampo ang katawhang Pilipinhon sa bisan asa sa kalibutan aron ipakita ang panaghiusa ug suporta niini kang Duterte.
Si Kitty ang saksi kung giunsa pagdakop ug gihurab-hurab ang iyang amahan igo pagtugpa nila gikan sa Hongkong dihang miagi sila sa VIP Lounge sa Terminal 3 sa Ninoy Aquino International Airport sa Pasay City sa miaging adlwa’ng Martes sa buntag.
Si Duterte ang detinado sa ICC detention facility tungod sa iyang kampanya kontra illegal nga droga gamit ang war on drugs policy diin libuang kinabuhi sa suspected drug pushers ang naligsan sa unom ka tuig niya nga pagdumala sa nasud.
