CAGAYAN DE ORO CITY – Panguya-ag tubag ni Commission on Elections chairman George Garcia si Misamis Oriental Gov. Peter Unabia ning semanaha.
Kini human sampita ni Unabia ang iyang scholarship program alang sa kursong nursing nga mga babaye ug angayang mga maanyag lang ang maka-avail aron mangatiman sa mga pasyente sa nagkadaiyang tambalanan.
Miingon si Garcia nga wala pa sila’y ilugwa nga komento kabahin sa nag-viral nga videoclip ni Unabia hangtod nga madawat ug mabasa nila ang tubag sa maong isyu.
Nahitabo ang gitawag nga sexiest comment o gender discrimination atoll sa proclamation rally sa linya nila ni Unabia sa balwarte sa kampo ni kanhi Misamis Oriental District 2 Congresswoman Juliette Uy sa lungsod sa Villanueva niadtong Abril 3 ning tuiga.
Una niini,miani sa nagkadaiyang hait nga reaksyon gikan sa pipila ka sector ang komento ni Unabia sa maong political campaign rally sa miaging semana.
