CAGAYAN DE ORO CITY – Gitakdang mag-atubang sa kasong pagsupak sa Wildlife Conversation and Protection Act ang residente nga sekretong nagkupot sa mga talagsaong mananap o endangered species nga protektado sa balaod sa nasud.
Kini human dakpa sa tropa sa Misamis Oriental Maritime Police Station ang suspek nga si alyas Animal Lover mismo sa balay niini sa Brgy Casinglot,Tagoloan,Misamis Oriental.
Gibutyag ni Misamis Oriental Maritime Police Station spokesperson Patrolwoman Mary Cris Dajao nga unang adunay naghatag kanila sa impormasyon kabahin sa presensiya sa maong mga mananap hinungdang gikasa ang operasyon.
Na-rescue sa mga otoridad ang Palawan-based Talking Myna,uwak, upat ka parrot ug duha ka unggoy nga anaa sulod sa mga halwa.
Katarungan sa ni Animal Lover nga dugay na kining hilig sa pagbuhi’g mga talasaong mananap hinungdan nga naghupot siya niini.
Apan kay walay mga pagmatood nga legal ang paghupot niya niini,rason nga gitugyan sa kustodiya sa Department of Environment and Natural Resources o DENR 10 ang mga hayop.(Kuha ni JPY)
