CAGAYAN DE ORO CITY – Nasakmit sa sunod-sunod nga anti-illegal drugs operations ang sobra tunga milyones pesos nga kantidad sa gitoohang shabu mga dakbayan sa Iligan ug Valencia,Bukidnon.
Gibutyag ni Police Regional Office 10 spokesperson Major Joann Navarro nga moay nadakpan sa tropa sa Iligan City Police Station 3 ang suspek nga si alyas Waway Disumimba nga nagsilbing top 1 sa PDEA 10 target sa Brgy Kabasanan sa maong syudad.
Nakuhaan sa 30 gramos nga gitoohang shabu ang suspek nga dunay kantidad nga 204-mil pesos ug ubang mga ebedensiya.
Wala usab nagpaulahi ang tropa sa Valencia City Police Station kay nadakpan usab pinaagi sa anti-buy bust operation ang notadong personalidad sa Purok 4,Brgy Población,Valencia,Bukidnon.
Giila ang dinakpan nga si Dandan, 42 anyos nga nasakmitan sa 32 gramos sa gitoohang shabu nga mikostar usab sa 220-mil pesos.
Pulos na giakasuhan sa pagsupak sa Comprehensive Dangerous Drugs Act of 2002 sa nagkadaiyang piskalya diin sila nangadakpan ning semanaha.
Hisayrang daan nang nagbahad si PRO 10 Director Brig Gen Jaysen De Guzman nga walay hunong ang paggukod batok sa mga tawo nga milambigit sa illegal nga droga palibot sa rehiyon.
