CAGAYAN DE ORO CITY – Gi-hunting na’g sugod sa mga otoridad ang armadong suspek nga mipusil-patay sa mananagat nga igo lang naglingkod sa balkonahe gawas sa ilang balay sa Brgy San Isidro,Magsaysay,Misamis Oriental.
Giila sa Magsaysay Municipal Police Station ang biktima nga si Allan Carmelotes Maestrado Sr nga nagpuyo sa Purok 2 sa maong lungsod.
Saysay sa imbestigasyon,nahiagom sa mga igo pinusilan ang tiyan sa 51 anyos nga biktima gamit ang gitoohang 9mm pistol hinungdan sa kamatayon niini.
Pasiunang nakit-ang anggulo sa kapolisan nga bangi sa yuta ang hayan motibo sa kremin kagabii.
