CAGAYAN DE ORO CITY – Hingpit nang nasubhan ni Pres Bongbong Marcos ug andam na pagsilbi sa mga pasahero ang expanded port nga nakabase sa Balingoan,Misamis Oriental.
Kini human personal nga gidalikyatan ni Marcos kuyog si DOTr Secretary Vince Dizon ang maong pantalan nga dunay direktang detinasyon padulong sa probinsya sa Camiguin nga turismo ang promosyon.
Miingon si Marcos nga ang pagpalambo sa maong pantalan ang usa lamang sa daghang mga proyekto nga gipatuman sa administrasyon ubos sa ‘build better more’ scheme niini.
Siya miingon nga lauman nga daghang mga pantalan pa ang ipaubos usab sa pagpalambo aron makahatag sa mas dakong ihap sa mga pasahero maseerbisyuhan ug paspas ang pagpatabok sa mga produkto ngadto sa nagkadaiyang bahin sa nasud.
