Patay sa car bombing ang inilang taas nga lider sa militar sa Russia. Kagahapon, gi-anunsyo sa Russian authorities nga nakabsan sa kinabuhi si Lieutenant General Yaroslav Moskalik, usa ka senior nga opisyal sa militar sa Russia.
Nahitabo ang insidente sa Balashikha, usa ka suburb sa Moscow.
Subay sa inisyal nga imbestigasyon, usa ka homemade bomb nga puno sa shrapnels ang mipatay kang Moskalik, ug gimuntar kini dool sa iyang nakaparada nga sakyanan.
Ang insidente nagresulta sa pag-abli sa usa ka kriminal nga imbestigasyon aron masuta ang mga responsable.
Una niini, namatikdan nga ang pag-atake nahitabo samtang ang espesyal nga envoy ni US President Donald Trump nakigkita kang Vladimir Putin aron hisgutan ang mga lakang sa kalinaw sa Ukraine. Hangtod karon, wala pa’y grupo nga miangkon sa responsibilidad sa pagbomba.
