Mipalag ang Office of the President sa napakatag nga video report nga dugok ug dunay mga kuto ang bugas nga tag 20 per kilo nga gibaligya sa usa ka Kadiwa Store sa kauluhan.
Todo depensa si Malacanang Press Secretary Atty Claire Castro sa programang Rice for All sa Presidente ug namugos nga fake news ang milutaw nga report sa social medoa.
Gitin-aw ni Castro nga wala pa masugdan ang pagpakuyanap sa tag 20 pesos nga bugas busa walay kamatuoran ang report.
Gipamugos ni Castro nga ang tag 20 pesos per kilo nga bugas, susama ang klase sa tag 33 kilo nga mapalit sa mga kadiwa stores sa tibook Pilipinas.
Una niini, sa pagsuta sa Bombo News Team, namahayag ang tindero nga dili tag 20 pesos ang ilang baligya nga bugas apan tag 29 per kilo ubos sa Program 29, gikan sa pinili nga Kadiwa centers sa Department of Agriculure.
