Upgraded na ang lihok sa mga tago nga POGO Hubs nga padayong nag-operar sa Pilipinas.
Nunot kini sa narespondehan nga krimen sa National Bureau of Investigation (NBI) sulod sa condo unit sa Pasay City.
Namahayag si NBI Intelligence Service Asst. Director Noel Bocaling nga milampos ang ilang team sa pagtumbok sa operasyon usa ka home-based POGO hub, human nagpatabang ang usa ka Chinese National kay siya biktima sa usa ka scammer.
Namahayag si Bocaling nga dili na POGO ang operason apan POSO gumikan kay offshore scamming na ang target sa mga nahibiling POGO hubs sa Pilipinas.
Narekober sa raiding teams ang daghang mga cellphones, computer ug mga sim cards nga gitoohang gigamit sa scamming activities sa mga dinakpang mga Chinese Nationals.
Una niini, namugos ang biktima usa sab ka Insek nga gipugos siyag patrabaho sa maong lugar aron mabayaran ang iyang utang nga nagkantidad sa 300,000 pesos.
Padayong gimanhunt ang tag-iya sa nadismatol nga hub.
