CAGAYAN DE ORO CITY – Kinahanglang kinasingkasing mangayo’g pasaylo ang katawhang makasasala aron makahupot sa walay kinutubang grasya sa kalooy gikan sa kahitas-an.
Kini ang giya nga gipalanog ni Bro. Cleb Calimutan,presidente sa Confraternity of the New Apologetics alayon sa pagsaulog sa kapistahan sa Divine Mercy nga nahimutang sa Brgy Ulaliman,El Salvador City,Misamis Oriental ning adlawa.
Namahayag si Calimutan nga dili mabudhion sa iyang mga saad ang Ginoo ngadto sa mga tawo nga nagmatinud-anon sa ilang mga tinguha sa kinabuhi.
Panguluhan ni Papal Nuncio Archbishop Charles John Brown ang pagsaulog sa misa-konselebrada sa Divine Mercy Shrine diin tambungan sa libuang mga deboto niini karong buntag.
Hisayrang libuang mga deboto ang kadagsa sa kada-pista sa Divine Mercy kay daghang higayon na nga naghatag kini’g milagro ngadto sa mga tawo nga adunay gipanghambin nga mga balatian.
