Naghikog-patay ang inilang accuser ni Prince Andrew ug biktima sa pagpangabuso ni Jeffrey Epstein.
Kagahapon, gi-anunsyo sa pamilya ni Virginia Giuffre nga siya namatay na sa edad 41, ug napalgan ang iyang patay nga lawas sa ilang kaumahan sa Neergabby, Western Australia.
Si Giuffre nailhan sa iyang pagpakigbisog batok sa sekswal nga pag-abuso ug human trafficking, ug usa siya sa mga unang biktima nga misulti batok kang Epstein ug sa iyang mga kauban.
Si Epstein, usa ka Amerikanong financier ug sex offender, diin, nahimong bantog tungod sa iyang mga krimen sa human trafficking ug sekswal nga pag-abuso.
Ang pamilya ni Giuffre nag-ingon nga ang bug-at nga epekto sa pag-abuso mao ang hinungdan sa iyang desisyon.
Una niini, gikompirmar sa Western Australia Police ang iyang kamatayon ug walay foul play sa hitabo.
Alang sa mga human rights activist, si Giuffre nagbilin isip usa ka dakong impluwensya sa mga biktima sa sekswal nga pag-abuso pinaagi sa iyang pagkamaisugon ug pagpakigbisog alang sa hustisya..
