Mikunhod na ang jail congestion rate sa Pilipinas sumala sa Bureau of Jail Management and Penology (BJMP).
Gibutyag ni BJMP spokesperson Jail Supt Jayrex Bustinera nga gikan sa 600% sa tuig 2018, anaa nalang sa 298% ang congestion rate sa tanan piniriso sa nasud.
Nag-unang rason sa pag-ubos sa overcrowding sa mga prisohan ang Pagtukod og dugang jail facilities aron mapadako ang kapasidad sa mga bilanggoan.
Kuyog niini ang pagpalambo sa PDL Welfare and Development Program aron matabangan ang mga bilanggo sa ilang rehabilitasyon.
Gilusad usab sa BJMP ang Jail Paralegal Programs nga nagtabang sa mas paspas nga pagproseso sa mga kaso sa PDLs.
Miingon si Bustinera nga daku ug tabang ang paghatag sa Good Conduct Time Allowance (GCTA) sa mga PDLs kay nakahatag kinig opotunidad nga mas sayo nga makagawas sa prisohan.
