CAGAYAN DE ORO CITY – Giila sa kapolisan nga dakong peligro ang pagkatawo sa nag-AWOL (absent without official leave) nga kauban nila nga pulis nga nadakpan pinaagi sa warrant of arrest sa pinuy-anan niini sa Brgy Iponan ning syudad.
Kini human gitratar ni Bulua Police Station commander Major Rey Gavan nga armado ug nagkupot sa daghang armas si AWOL Police Staff Sgt Armand Tagolimot alyas ArTags kinsa gidakop tungod sa warrant sa kasong pagsupak sa Republic Act 9165.
Miingon si Gavan nga ipaubos pa usab sa dugang imbestigasyon si Tagolimot tungod sa pasangil nga ilado kini sa pagpamusil diin usa si Cogon Police Station commander Capt Abdulcahar Armama ang ilang biktima niadtong Oktobre 2024.
Hisayrang gihimakak ni Tagolimot nga nalambigit kini sa kamatayon ni Armama ug namugos nga dili usab iya ang mga armas,granada,mga bala ug illegal nga droga nga nabawi sa joint raiding teams sulod sa gisak-an niining balay.
