CAGAYAN DE ORO CITY – Pagtubag sa kalisod sa pinaka-kabus nga mga sektor ang ipatuman nga tag-20 pesos kada-kilo sa bugas sa gobierno nga sugdan didto sa Cebu City sulod ning semanaha.
Kini ang pagpasabot ni Department of Agriculture o DA 10 regional director Jose Apollo Pacamalan kabahin sa maong programa nga miani’g grabeng batikos.
Miingon si Pacamalan nga angayang hatagan una sa higayon mapatuman ang rice program ni Pres Bongbong Marcos kaysa gilayong hukman.
Siya miingon nga kung makaabot sa Northern Mindanao ang maong programa,gilayon nila kini iagi sa Kadiwa stores ug makig-parnter usab sa municipal ug provincial governments sa rehiyon.
Samtang angayang wad-on ang Rice Tarrification Law o RTL kaysa mohimo’g artificial rice subsidy ang gobierno ngadto sa katawhan.
Miingon si Atty Eddie Cuaresma,kanhi presidenti sa IBP-Misamis Oriental chapter nga maayo unta ang programa apan dili kini ang lahutay nga sulbad sa naghinobrang kamahal sa bugas.
Siya miingon nga malungtaron nga solusyon ang angay hingusgan sa gobierno ug dili ang programa sa pagkaon nga molungtad lang sa pipila ka bulan.Una nang nagtoo ang kadaghanan nga gimik kini sa politika sa adminsitrasyon.
