CAGAYAN DE ORO CITY – Ensakto ang gihimo ni Sen Imee Marcos nga imbestigaran ug kasuhan sa Ombudsman ang pipila ka cabinet officials ni Pres Bongbong Marcos nga direktang nalambigit sa illegal nga pagdakop kang kanhi Pres Rodrigo Duterte nga paspas gipadala didto sa International Criminal Court sa Netherlands.
Kini ang reaksyon ni Atty. Eddie Cuaresma,kanhi presidente sa Intergrated Bar of the Philippines o IBP-Misamis Oriental chapter kabahin sa rekomendasyon ni Marcos batok sa lima ka tag-as nga opisyal nga ubos sa mando ni Pres Marcos.
Siya miingon nga kahigayunan kini aron masukod sa balaod kung kinsa ang ensakto sa panig ni Marcos ug sa mga Duterte.
Kabahin sa gi-rekomendar nga kasuhan sila Justice Secretary Jesus Crispin Remulla;DILG Secretary Jonvic Remulla;PNP chief General Rommel Marbil Jr; PNP-CIDG chief Major General Nicholas Torre III ug Special Envoy on Transnational Crime Markus Lacanilao.
