CAGAYAN DE ORO CITY – Napasaka na sa hingpit ang kasong pagpatay ngadto sa piskalya batok sa bag-uhay lang nadakpan nga nag-absent without official leave o AWOL nga si Police Staff Sgt Armand Tagolimot alyas ArTags ning syudad.
Kini human unang gipaubos sa case build up ang kamatayon ni late Cogon Police Station commander Capt Abdulcahar Armama diin kabahin si ArTags ang milugwa sa imbestigasyon nga hayan adunay dako’g kalambigitan sa kremin niadtong Oktobre 2024.
Miingon si Police Regional Office 10 spokesperson Major Joann Navarro nga pending na sa piskalya ang murder case nga gipasaka sa pamilya ni Armama batok mga tawo nga mihimo sa kremin.
Siya miingon nga taliwala nga nagpabiling inosente pa sa pasangil si Tagolimot apan sa nahuptang mga ebedensiya sa mga imbestigador,mopunting kini ngadto kaniya rason nga nahandos ang kaso sa piskalya.
Dumduman nga giulo pagpusil gamit ang kalibre nga 45 nga armas si Armama hinungdan sa kamatayon niini.
Apan ang maong pasangil kusganong gihimakak ni ArTags dihang nadakpan kini sa Cagayan de Oro City Police Office gamit ang warrant of arrest sa laing kasong pagsupak sa Comprehensive Dangerous Drugs Act of 2002 sa hideout niini sa Brgy Iponan sa dakbayan.
