CAGAYAN DE ORO CITY – Wala na’y sulod nga election paraphernalia ang nahulog sa pangpang nga deliver truck sa FG Logistics sa Purok 6,Carmen Hill,Upper Puerto ning syudad.
Kini human nasuta sa imbetigasyon sa Puerto Police Station nga pabalik na ang deliver truck gikan sa nahatod nga poll materials sa Valencia City,Bukidnon pa-Cagayan de Oro City dihang natigayon ang disgrasya.
Sumala ni Police Chief Master Sgt Ryan Sevilleno,traffic investigator sa Puerto Police Station nga subay sa pasiunang imbestigasyon, mihimo’g pag-overtake ang bao-bao nga gimaneho ni Regie Razalo nga taga-Brgy Balubal sa trak nga gimaneho ni Michael Awitin hinungdan sa aksidente.
Kini tungod kay nawad-an sa preno ang trak ug milahos sa 50 ka tiil nga gintas-on sa pangpang rason nga patay sa hitabo ang F2 Logistics checker nga si Rommel Harvez nga taga-Jasaan,Misamis Oriental.
Saysay usab sa report nga apil nga samaron ang trak driver nga si Awitin,Judy Cayetuna nga pulos taga-Cagayan de Oro ug magtiayong sakay sa tricab nga si Regie ingon man Lolibeth Razalo nga taga-Brgy Balubal ning syudad.
Giklaro sa imbestigasyon nga wala na’y karga nga kagamitan sa piliay dihang nahulog sa pangpang ang maong sakyanan.
