CAGAYAN DE ORO CITY – Gusto sa bag-ong kumander sa 403rd IB,Philippine Army nga si Col. Seigfred Tubalado nga kanunay magbaton sa ensaktong disiplina sa kaugalingon ang mga sundalo.
Kini tungod kay nagtoo siya nga pinaagi niini mas labing bulahan usab ang katawhan diin anaa ang kasundaluhan.
Gihimo ni Tubalado ang mensahe nunot sa iyang pagdawat sa bag-ong tahas aron panguluhan maong unit nga nakabase sa Bukidnon.
Dugtong usab niini,gihatag ni 4ID commander Maj Gen Michele Anayron Jr ngadto sa liderato ni Tubalado isip usa sa iyang unit commanders dinhi sa Northern Mindanao.
Siya miingon nga angayang ipalig-on pa sa tropa ni Tubalado ang mga operasyon aron hingpit nang mawala ang armadong kalihukan sa mga lugar diin ubos sa 403rd IB.
