CAGAYAN DE ORO CITY – Nagkauyon na ang mga panig sa tulo ka sakyanan nga nagkabangga diin adunay usa ka tawo ang kompirmadong patay ug laing pito samaron sa Purok 6,Brgy Tubigon,Initao,Misamis Oriental.
Matud ni Police Regional Office 10 spokesperson Major Joann Navarro nga subay sa imbestigasyon sa Initia Police Station nga maoy nagkabangga ang pulos pribadong sakyanan hinungdan sa aksidente.
Siya miingon nga maoy kusog ang dagan sa Toyota Innova rason nasungag niini ang laing utility vehicle ug napadulong sa kontra-linya sa kalsada ug mibagdok usab sa Fuzo truck kagahapong adlawa.
Dumduman nga padulong sa syudad sa Cagayan de Oro ang Innova ug utility vehicle dihang nasungag ang trak nga padulong usab sa western side sa Misamis Oriental.
Apan luyo niini,mikab-ot sa hukom ang mga hingtungdan nga mosulod na lang sa kasabutan kay pulos aksidente na ang nahitabo.
Nagkahulugan nga walay mga isang-at nga mga kasong kriminal sa isigka-panig.
