Un-puntos lang ang labaw sa Meralco Bolts, dihang ilang nailog ang diriyot nga kadaugan sa Batang NorthPort, alang sa nagpadayong dula sa 49 PBA Philippine Cup sa PhilSport Arena, kagabie.
Unang nalangsang sa 15 puntos nga labaw ang Northport apan, imprisibo kining nadismantol sa Bolts sa sa 4th quarter ug sa nahibiling 23 segundos sa dula.
Nangulo sa kadaugan sa Bolts si Chris Newsome nga mitala sa 24 points samtang si Chris Banchero mikulit sa 23 points.
Si Bong Quinto, kinsa mitala sa iyang 17 puntos maoy nahimong yawe sa kadaugan sa Bolts dihang iyang napasulod ang iyang ulahing tira.
Nasayang lang ang 14 puntos nga napundar ni William Navarro ug 11 puntos ni Jio Jalalon para sa NorthPort. Natak-upan ang dula sa finals score 105-104.
