Dili na angayang bastuson sa mga kandidato ang gitagana nga adlaw alang sa katawhan aron sila makahuna-huna’g ensakto kung kinsa ang angay botaran sa piliay sa nasud ugmang adlawa.
Kini human nagpahimangno si Comelec chairman George Garcia nga dili na mangahas mangampanya ang mga kandidato aron kalikayan nga ma-diskuwalipikar kung adunay masang-at nga kaso batok kanila.
Namahayag ang opisyal nga dili na makadugang sa makuha nga boto kung supakon ang gidiling adlaw nga mangampanya pa ang mga kandidato ning adlawa.
Hisayrang nag-epekto na ang duha ka adlaw nga liquor ban alang sa tanang katawhan sugod kaganihang kadlawon padulong ugmang adlawa.
