CAGAYAN DE ORO CITY – Mikutlo sa tulo ka kinabuhi ang duha ka magkalahing dugu-ong hitaho nga pulos natigayon sa Lanao del Sur.
Subay sa impormasyon, maoy namatay tungod sa pito ka dinunggban ang residente nga si Arafat Iskak nga taga-Pikit,Cotabato apan namatay duol sa municipal hall sa Brgy Madaya,Maguing kaganihang sayo sa buntag.
Miingon si Lanao del Sur Provincial Office spokesperson Major Salahuddin Basher nga nahitabo ang dugu-ong kremin dihang adunay init nga lantugi sa political supporters sa magkaribang nga mayoralty candidates sa maong lungsod.
Sa pikas bahin, gipusil-patay usab ang kandidato pagka-konsehal ubos sa United Bangsamoro Justice Party o UBJP ug laing usa pa ka sibilyan sa lungsod sa Bayang sa maong probinsya.
Siya miingon nga giila ang namatay’ng ga biktima nga sila Afghani Taha Balt,38 anyos,kandidato pagka-konsehal ug Walid Balt,35 anyos nga pulos mga residente sa Brgy Sumbag sa lalawigan.
Nasuta nga gipangkalita’g pusil sa wala mailang mga armadong mga suspek ang duruha hinungdan sa kamatayon niini.
Sa pagkutlo ning balita, gisuta pa sa kapolisan kung adunay relasyon sa kainit sa politika ang gidangatan sa mga biktima sulod lang ning adlawa. (Photo:Mr. Froilan Gallardo).
