CAGAYAN DE ORO CITY – Pangkasuhan sa kapolisan sa pagsupak sa election gun ban ang lima ka political supporters nga nadakpan sa mga sundalo sa lungsod sa Pualas,Lanao del Sur.
Kini human gitumbok nga maoy nagpabuto sa mga bitbit nila nga mga armas samtang kamulo ang pagpahigayon sa 2025 midterm elections sa maong adlaw.
Unang gipahapa sa yuta ang maong mga dinakpan aron marekisa ang mga lawas niini.
Wala matug-an sa impormasyon kung pila ka armas ang nabawi gikan sa posisyon sa maong mga suspetsado.
Sa paglusad sa eleksyon sa Marawi City kuyog ang ubang kalungsuran sa Lanao del Sur,gipakatagan kini sa 400 ka pulis gikan sa Police Regional Office 10 diin sila nagsilbing nga special election board members.
Kabahin ang Lanao del Sur nga gihataga’g prioridad tungod sa pipila ka lungsod nga naa ang grabeng kainit sa bangi sa politika tali sa magkaribal nga mga kandidato.
Hisayrang sa mismong adlaw sa piliay sa Marawi City, kalit gibubu-a’g tubig sa usa ka political watcher ang automated counting machine sulod sa presinto ug paspas misibat aron dili madakpan sa mga otoridad.
