CAGAYAN DE ORO CITY – Kulang sa pagtoo si Commission on Elections 10 regional director Atty. Renato Magbutay kabahin sa impormasyon nga dunay dugang 2-mil pesos nga madawat ang mga magtutudlo nga nagsilbing board of election inspectors o BEIs sa milabay’ng Mayo 12 nga piliay sa nasud.
Kini ang tubag ni Magbutay sa pangutana sa Bombo Radyo nunot sa gisulti ni Dept of Budget and Management o DBM Secretary Amenah Pangandaman nga daw mando ni Pres Bongbong Marcos nga pun-an sa 2-mil pesos ang madawatan sa electoral board.
Miingon si Magbutay nga wala sila’y nadawatan nga kamanduan gikan kang Comelec chairman Atty George Garcia kabahin sa maong usbaw.
Hinoon,mihangyo ang opisyal nga magmaigmat una sa maong impormasyon kay aron kalikayan nga dili molaum ang mga magtutudlo kay igo-igo ra ang budget nga ihatag ngadto kanila sa pagserbisyo sa miaging eleksyon.
Una niini,gisulti sa DBM nga modawat na sa 12 mil pesos ang BEI chairman;11-mil pesos sa 3rd member ug 8-mil pesos na ang dawaton sa support staff.
