Patay ang 27 ka tawo sa pag-inom sa bino nga makahilo sa Punjab India.
Ang mass casualties nahitabo sa Majitha area sa Amritsar, Sikh holy city sa Punjab, kagahapon.
Subay sa report, nadala pa sa balaytambalanan ang mga mitungab sa bino, apan, naluto sa taas nga alcohol content ang ilang tinae.
Pito na ka lugar sa Majitha Area ang apektado sa makapatay nga ilimnon.
Sa pagkutlo ning balita, anaa sa 20 ka tawo ang gisikop sa pagpakuyanap sa makapatay nga likido.
Mitunol na sa hinabang ang gobyerno sa India ug nagpagawas sa kapin 1 Million Indian rupees (11,682 U.S. dollars) nga ayuda sa mga namatayan.
