Gipaniguro sa Department of Energy nga walay mahitabong energy crisis sa pagsulod sa bag-ong school year 2025-2026, ilabe sa pagbukas sa unang adlaw sa klase sa Hunyo 16.
Namahayag si DOE Assistant Secretary Mario Marasigan nga walay suliran sa power supply sa nasud, busa lauman ang “zero brownout” sa pagbalik sa pagtungha sa Hunyo.
Gipaniguro sa DOE nga ipatuman ang ilang counter measures kun adunay mga lugar nga makasinati sa kalulang sa kuryente.
Una niini, gipakasama ni Marasigan ang back-to-school operation sa Department of Education sa nahitabong piliay sa Mayo 12 nga siento porsiento, walay pagkapalong sa sugang dagitabnon sa tibook Pilipinas.
Inay bulan sa Agusto, gisibog sa DepEd ang opening sa klase sa school year 2025-2026 aron mubalik usab sa normal ang regular school days sa mga magtutungha sa nasud.
Mahinumduman nga tungod sa COVID-19 Pandemic, nasibog ang klase sa Agusto niadtong tuig 2021.
