Gikompirmar ni Fr. Manuel Enrique Barrios Prieto, Secretary General sa Commission of the Bishops’ Conferences of the European Union (COMECE), nga gitapok sila ni Pope Leo XIV aron hisgutan ang kahimtang sa gubat sa Ukraine ug Russia ug ang kasamtangang estado sa Simbahang Katolika sa Uropa.
Miingin si Fr Prieto nga nakurat sila dihang mipadayag si Pope Leo XIV nga magkinahanglan siyag mga audience sama kanilang mga pari aron hisgutan ang mga kagubot sa kalibutan
Gitratar kini sa COMECE nga dakung grasya kay ang unang hangyo sa ilang pundok, napakilid man sa panahon ni anhing Pope Francis, ug ilang gitoohan nga kanselado na.
Una niini, mismo ang COMECE Presidency ug Standing Committee ang nag-follow up sa ilang hangyo nga mahinabi ang bag-ong santo papa ug nahatagan dayon sila sa tubag sa Prefecture of the Pontifical Household.
Samtang gipahigayon ang sesyon, simpli lang ang mga pamahayag ni Pope Leo XIV ug siya mitin-aw nga wala pa siyag matubag ug wala usab kinin daghan tubag kay gusto lamang una niya maminaw.
