Laraw sa Department of Agriculture (DA) nga ipatuman ang floor price sa palay aron masiguro nga makabawi ang mga mag-uuma sa ilang gasto sa pagtanom.
Gibutyag ni Agriculture Secretary Francisco Tiu Laurel Jr., nga gitun-an ug maayo sa DA nagtuon ang legal nga mga paagi aron maipatuman kini nga lakang, pinaagi sa pagsubat sa Price Act ug Anti-Agricultural Economic Sabotage Law.
Gitahasan ni Laurel ang National Food Authority (NFA) sa pagpatuman sa floor price sa palay sa dili pa ang sunod nga ting-ani.
Aron mahatagan sa katumanan ang implementasyon, nagpetisyon ang DA sa palasyo ug sa mga magbabalaod nga kinahanglan ibalik ang ilang regulatory powers aron masiguro nga ang mga mag-uuma ug mga negosyante magparehistro ug matuman ang patas nga presyo.
Sa kasamtangan, ang NFA nagpalit sa palay sa presyo nga P23 hangtod P30 kada kilo alang sa limpyo ug uga nga palay, samtang ang presyong P17 hangtod P23 kada kilo alang sa presko ug basa nga palay.
Ang DA nagplano nga magpadala sa mobile marketing ug procurement teams sa mga lugar nga adunay ubos nga presyo sa palay aron masiguro nga patas ang bayad sa mga mag-uuma
